Jolly Roger

Jolly Roger eo anv saoznek banniel ar vorlaeron, warnañ e weler arouezioù dibabet ganto o-unan. Anv a voe graet anezhañ evit ar wech kentañ e 1700, pa voe taget ul lestr a Vro-Saoz gant ul lestr a Vro-C’hall (sturiet gant ar morlaer gall Emmanuel Wynne) er-maez da Guba. An dro-lavar "Jolly Roger" a voe implijet evit ar wech kentañ e 1724 el levr A General History of the Pyrates, skrivet gant ar c’habiten Johnson (Daniel Defoe).